Оштун "Алай" футболдук клубунун чабуулчусу Алиа Силла үчүнчү ирет катары менен жылдын бомбардири аталып, 21 жыл мурунку рекордду кайталады. Бул тууралуу футбол лигасы кабарлайт.
Маалыматка ылайык, Алиа Силла Топ-Лиганын алкагында атаандашынын дарбазасына 12 гол киргизген. 29 жаштагы чабуулчу өзүнүн 12-голун Топ-Лиганын 19-турунда "Дордойдун" дарбазасына киргизген. Жалпы эсепте ушул сезондо 14 беттешке катышкан.
Бул жыйынтык менен Алиа Силла 3-ирет катары менен жылдын бомбардири болуп, 21 жыл мурунку Александр Мерзликиндин рекордун кайталады. Мерзликин 1994-1996-жылдары Кыргыз өлкөсүнүн 3 ирет жылдын бомбардири болгон. Ал 2 сезондо "Кант-Ойл" командасында ойноп, 1996-жылы "АиК" командасында ойногон.
Бомбардирлер тизмесинде 2-орунда "Дордойдун" оюнчусу Алишер Азизов жайгашкан, ал 15 беттешке катышып 10 гол киргизген. 3-орунду "Абдыш-Атанын" оюнчусу Алерива Олувасен жана "Алайдын" оюнчусу Максат Алимов бөлүшкөн.