Кичи футбол боюнча Украинанын кубогунда "Viva Cup" командасынын башкы машыктыруучусу Роман Перадзе беттеш учурунда калысты бир сокку менен нокаутка кетирди. Бул тууралуу чет элдик басылмалар маалымдады.
Беттеш учурунда калыс "Viva Cup" командасынын оюнчусуна кызыл түстөгү айып кагазын көрсөтүп, оюндан четтеткен. Перадзе калыстын чечимин жактырбай, ачууланып кеткен. Машыктыруучунун биринчи соккусунан кийин калыс жерге кулап калган.
Мунун баарына күбө болгон дагы башка калыс беттешти токтотуп, "Viva Cup" командасына техникалык жеңилүү берген.