Бүгүн футбол боюнча жаштар арасындагы (U-19) Азия чемпиондугу-2018 тандап алуу этабынын алкагында Кыргыз футболчулар Оман курамасы менен беттешет

Бүгүн, 2-ноябрда Бишкек шаарындагы Дөлөн Өмүрзаков атындагы стадиондо футбол боюнча жаштар арасындагы (U-19) Азия чемпиондугу-2018 тандап алуу оюндары уланат. Анда Кыргыз курама командасы Оман командасы менен беттешет.

Эске салсак, аталган мелдештин 1-турунда Кыргыз курама командасы Непал менен беттешип 2:0 эсебинде жеңип алган. Эми Кыргыз футболчулары мурунку турда БАЭ курамасынан 5:1 эсебинде жеңилип калган Оман командасы менен ойнойт.

Эскерте кетсек, жаштар арасындагы Азия чемпиондугу-2018 тандап алуу оюндары 31-октябрдан баштап 8-ноябрга чейинки аралыкта өтөт. Анда Кыргыз курама командасы "А" тайпасындагы Бахрейн, Оман, Непал жана Бириккен Араб Эмираттарынын курамалары менен беттешет.

Оюндардын тизмеси (Беттештер Бишкек убактысы боюнча):

2-ноябрь:

12:00 - Кыргыз өлкөсү - Оман;

17:00 - Непал - Бахрейн.

4-ноябрь:

12:00 - Бахрейн - Кыргыз өлкөсү;

17:00 - БАЭ - Непал.

6-ноябрь:

12:00 - БАЭ - Кыргыз өлкөсү;

17:00 - Оман - Бахрейн.

8-ноябрь:

12-00 - Непал - Оман;