Орусиянын Сочи шаарында 10-ноябрда старт алган уруш түрүндөгү самбо боюнча Дүйнө чемпиондугунда Кыргыз спортчусу алтын медаль жеңип алды.
Бекназар Раимкул уулу 74 килограммга чейинки салмак ченинде күч сынашып финалдык баскычка чейин өттү. Анда Кыргыз спортчусу орусиялык Байзет Хатхох менен беттешип, аны жеңип алды. Жыйынтыгында Раимкул уулу алтын медаль тагынып Дүйнө чемпиону аталды.
Мындан тышкары Аманат Алтынбек уулу 57 килограммга чейинки салмак категориясында беттешип коло медалга ээ болду.
Эске салсак, Бекназар Раимкул уулу 17-27-сентябрь аралыгында Түркмөнстандын Ашхабад шаарында өткөн уруш түрлөрү боюнча жабык имараттагы V Азия оюндарында алтын медаль жеңип алган.