Бүгүн, 14-ноябрда футбол боюнча Азия Кубогунун тандап алуу оюндарынын 5-турунун алкагында Кыргыз курамасы Макао менен беттешти.
Алсак, оюндун 25-мүнөтүндө Кыргыз курамасы 11 метрлик айып соккусун тебүү мүмкүнчүлүк алып, аны Антон Землянухин ийгиликтүү аткарды. 36-мүнөттө болсо Виталий Люкс Макаонун дарбазасына гол киргизип, эсепти 0:2 кылганга жетишти.
Ал эми 56-мүнөттө Антон Землянухин дагы бир гол киргизип, эсеп тактасы 3:0 болду.
Макао курамасынын футболчулары 73, 80-мүнөттөрдө гол киргизип, эсеп тактасын 2:3кө өзгөртүштү. Андан көп узабай Мирлан Мурзаев ага жооп кайтарып, бир гол киргизсе, Макаонун футболчулары 87-мүнөттө дагы бир гол киргизүүгө үлгүрдү. Оюн 4:3 эсебинде Кыргыз курамасынын пайдасында аяктады.
Беттеш Макаонун Олимпиадалык стадионунда өтүүдө. Бул тандоо турундагы бешинчи оюн. Буга чейинки төрт турдун жыйынтыгы менен Кыргыз курамасы жана Мьянма курамасы 2-орунда келе жатышат. Эки команда да тең төрттөн упай бар.
Кыргыз жана Макаонун улуттук курама командалары 3 жолу кез келип, алардын жыйынтыгында Кыргыз курамасы жалпы 4:0 эсеби менен жеңишке жеткен.