Куудул Күмөндөр Абылов "Кыргыз Республикасынын Эл артисти" наамы менен сыйланды. Тиешелүү жарлыкка мамлекет башчысы Алмазбек Атамбаев бүгүн, 20-ноябрда кол койду. Бул тууралуу президенттик аппараттан маалымдалды. Маалыматта жазылгандай, куудулдан башка бир катар маданият өкүлдөрүнө да ардактуу наамдар берилет.
"Кыргыз Республикасынын президенти Алмазбек Атамбаев Кыргыз Республикасын социалдык-экономикалык өнүктүрүүгө жана экономикалык, социалдык реформаларды өткөрүүгө кошкон олуттуу салымы, ошондой эле кесиптик ишиндеги жогорку жетишкендиктери үчүн “Кыргыз Республикасынын мамлекеттик сыйлыктары менен сыйлоо жөнүндө” жарлыкка кол койду", - деп жазылат маалыматта.
«Кыргыз Республикасынын эл артисти» деген ардактуу наам:
Абылов Күмөндөр Мукулович - «Кыргызстан театр ишмерлер союзу» коомдук бирикмесинин мүчөсү;
Асаналиев Эрнис Умбарович - Кыргыз Республикасынын президентинин жана өкмөтүнүн Иш башкармасынын алдындагы «Манас» Президенттик камералык оркестри» мамлекеттик мекемесинин директорунун орун басары – көркөм жетекчиси;
Матиев Сайидрахман Сарбаевич - Ош облустук Р. Абдыкадыров атындагы филармониянын Б.Мадазимов атындагы эл аспаптар оркестринин башкы дирижёру;
Шаршенбаев Элис - Бишкек шаарынын мэриясынын үйлөмө аспаптар оркестринин көркөм жетекчиси жана башкы дирижёру;
«Кыргыз Республикасынын эл сүрөтчүсү» деген ардактуу наам:
Байтереков Адылбек Эсенкулович - сүрөтчү-живописчи, «Кыргыз Республикасынын сүрөтчүлөр союзу» коомдук бирикмесинин мүчөсү;
«Кыргыз Республикасынын эмгек сиңирген артисти» деген ардактуу наам:
Айдарова Асель Каныбековна - А.Малдыбаев атындагы Кыргыз улуттук академиялык опера жана балет театрынын балетинин солисти;
Асанкадыр Советжан - «Айкөл» ансамблинин көркөм жетекчиси;
Мусуралиев Асанбек Даирбекович - А. Малдыбаев атындагы Кыргыз улуттук академиялык опера жана балет театрынын артистине;
Примбердиев Кайратбек Тыныбекович - эстрада ырчысы;
Саралаев Айбек Бозалаевич - А.Малдыбаев атындагы Кыргыз улуттук академиялык опера жана балет театрынын артисти;
Суранчиева Гүлзинат Карыбековна - ырчы;