"Эйр Манас" авиакомпаниясынан жагымдуу кабар! Бишкек-Ташкент-Бишкек аба каттамы ачылат

Күн сайын өнүгүүнүн үстүндө иш-аракеттерди жүргүзүп келе жаткан өлкөнүн келечектүү "Эйр Манас" авиакомпаниясы жүргүнчүлөр үчүн жагымдуу кабарды жарыялайт. Тактап айтканда, аталган авиакомпания Бишкек-Ташкент-Бишкек жаңы каттамын ишке киргизет.

"Эйр Манас" авиакомпаниясынын Бишкек-Ташкент аба каттамы биринчи жолу ушул жылдын 23-декабрында ишке ашырылат. Ал күнү бул каттамдагы учактан туристтер, жеке ишкерлер, туугандарына бара жаткан жүргүнчүлөр, айтор каалаган жүргүнчү орун алса болот.

Аталган авиакомпания лоу-кост бизнес үлгүсүндө иш алып барат. Буга байланыштуу каттамдардын баасы башка авиакомпаниялардын билеттерине салыштырмалуу бир топ арзан. Лоу-кост бизнес үлгүсүндөгү билеттерде тамак-аш, артыкча жүк алуу жана башка кызматтар кошумча акы төлөө менен жүргүзүлөт. Мындай ыкма сиз өзүңүздүн капчыгыңызды муктаждыгыңызга жараша башкарууга шарт түзөт.

"Эйр Манас" авикомпаниясынын Бишкек-Ташкент-Бишкек каттамы жумасына 2 жолу: шаршемби, ишемби күндөрү ишке ашырылат. Авиакомпания жаңы каттамды ачуунун алдында - Кыргыз-Өзбек элдеринин мамилесин чыңдоого салым кошууну, визасыз режимди, бажы жана чек ара көзөмөл өткөрүү бекеттериндеги маселелерди жоюуну максат кылган.

Авибилеттерди сиз www.airmanas.com сайты аркылуу буюртма берип же авиаагенттиктерден алсаңыз болот. "Эйр Манас" авиакомпаниясы билеттерди алдын ала камсыздоо менен сиз акчаңызды үнөмдөшүңүз мүмкүн экендигин эскертет.

"Кыргыз өлкөсүндө авиацияны биз баштаган эмеспиз, бирок биз авиакызматтарын жакшы жакка өзгөртөбүз!" деген ураан менен иш алып барган "Эйр Манас" авиакомпаниясы Боинг 737-400 жана Боинг 737-800 учактарын пайдаланат. Тажрыйбалуу учкучтар менен учактагы тейлөө кызматкерлери сиздин коопсуздугуңуз менен ыңгайлуулугуңузду башкы орунга коёт. Коңшу өлкөнү көрүп келүүнү пландап жаткан болсоңуз билет алууга чамдаңыз.

Төмөндө каттамдардын сааттары жергиликтүү убакыт менен көрсөтүлдү

ZM1029 FRU-TAS Бишкек-Ташкент 12:30 - 12:30
ZM1030 TAS-FRU Ташкент-Бишкек 14:00 - 16:05

"Эйр Манас" авиакомпаниясы аркылуу буга чейин Бишкек-Москва-Бишкек, Бишкек-Дели-Бишкек, Бишкек-Үрүмчү-Бишкек, Бишкек-Ош-Бишкек каттамдары жүргүзүлүп келген.

"Эйр Манас" ишканасындагы авиакаттамдар, билеттер, кызматтар тууралуу кызыктырган бардык суроолорго жоопту www.airmanas.com сайтына кирип алыңыз.

жаңыланды 17:24 02-12-2017
кошулду 18:05 01-12-2017

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

22:03 2024-04-24 | Саясат

Баку шаарында Чыңгыз Айтматовдун эстелигинин ачылыш аземи болду 487 0

21:52 2024-04-24 | Коом жана турмуш

Бишкекте терроризмдин алдын алуу боюнча эл аралык конференция өттү 215 0

21:31 2024-04-24 | Коом жана турмуш

Бишкекте 20 жаштагы кыз дайынсыз болууда 963 0

20:59 2024-04-24 | Кылмыштар, кырсыктар

Бишкекте ишкерди уурдап, 140 миң доллар талап кылган кылмыштуу топтун мүчөлөрү кармалды 1009 0

19:35 2024-04-24 | Кылмыштар, кырсыктар

Кадамжайда аткезчилик жол менен алынып келе жаткан жаңгак аныкталды 727 0

18:56 2024-04-24 | Саясат

Садыр Жапаров Азербайжандын президенти менен болгон сүйлөшүүлөр боюнча билдирүү жасады 1105 0

Архив

Комментарийлер (19)

jugorsk

2017-12-01 12:11:06

Жеендер учуп жыргап калат экен орча байрамда

+31

nemo2016

2017-12-01 12:38:15

jugorsk туура

Aikoo2014

2017-12-01 18:17:58

jugorsk,

Таппаганынар жок, кулуп алдым.))))

futboler

2017-12-01 12:40:40

Туугандар сүйүнчү!!! Деп жазыш керек эле.

Tyty1990

2017-12-01 15:17:12

futboler, оббо,эми созунордун тусу неге кара де бир жолу.

futboler

2017-12-01 22:16:07

Tyty1990, жакпаса окуба!

Ermekbai

2017-12-01 13:40:43

Бул компания адамдарды алдайт. Алсызга үстөмдүүлүк кылат. Жоопкерчиликти сезбейт. Баасы болсо кымбат. Мен 2012-жылдан бери Ош-Бишкек каттамында жылына 1-2 жолу учам.

more22

2017-12-01 18:17:29

Самолёт ун ондоптурбу откондо эле бузулуп калды деп атты элего анан бир эле самолёт ту бар экенго

-1

B.o.s.s

2017-12-02 10:50:22

more22,Бул "ЭЙР МАНАС" авиакампаниясы, сиз самолету бузулуп калды деп айтып жаткан авиакампания ал Кыргызстандын мамлекеттик, жалгыз гана авиакампаниясы "ЭЙР КЫРГЫЗСТАН"Кичине кампаниялардын атына,аталышына маани берип, конул коюп окусанар,болбогон эле кептерди жаза бербей.Адамдарга туура эмес маалымат бербей!

Aikoo2014

2017-12-01 18:17:36

Балким, кээ бироолор учун ото жагымдуу кабардыр.

bibi87

2017-12-01 18:19:21

Жакшы жанылык болуптур. Мен азыр Ташкеттемин. Жайында Бишкектен Ташкентке 12мин ден 18минге чейин болду. Время полета 1час всего. Булардын баасы канча болду экен

Nibiru.

2017-12-03 14:34:51

bibi87,суйло анан Ташкенттен. Эмне кордун,эмне уктун,бизден кандай айырма экен ж,б дегендей?

Nibiru.

2017-12-03 14:36:38

bibi87, бирок сага окшогондорго эле жакшы жанылык болбосо,калганыбызга эч кандай жакшылыгы деле жок. Же кандай жакшылыгы бар,санап берчи биз угалы?

guli-1980

2017-12-01 19:12:42

Москвага арзан болот окшойт билет. 127 $ дейтго 1 саат эле учса кымбат

Aydarov.0607

2017-12-01 19:14:56

guli-1980,сиз менен таанышуу керек экен Ташкент ее баргым келет

guli-1980

2017-12-03 01:38:38

Aydarov.0607,мени мн барышын керекпи? Интернеттен карадым билеттин баасын

Malik92

2017-12-02 15:20:19

Компаниянын аты Эйр Манас сайты орусча уят уят намыс кылыш керек. Тантырашат тим эле.

Nibiru.

2017-12-03 14:33:08

Жагымдуу кабар болуп эле эмне? Кереги жок болчу чек аранын ачылышы. Бизге эмне пайда? Пайда ал жактагы итке минген,жакыр,самсаалагандарына эле пайда болбосо. Анткени Озбекстандын элинин жашоо денгеели бизден кыйла эле томон. Алардын тапырап бизге келишинен эч кандай пайда жок. Ансыз деле Ош жака лолулорго окшогондор толуп кирип атышат дейт Оштуктар. Кайтарыш керек артка,озубуз жыргап аткансып тимеле.

Kanzada97

2017-12-03 23:22:37

Койгула андан коро Ош-Бишкек каттамын арзандаткыла.

Комментарий калтыруу үчүн өз ысымыңыз менен кириңиз же каттоодон өтүңүз.