Шотландияда чоргодон сыра агып туруучу мейманкана ачылат

2019-жылы Шотландиянын Абердиншир облусунда сыра ичүүчү мейманкана ачылат. Анда коноктор номерде отуруп алып сыра ичүү үчүн бөлмөдөгү чоргону бурап коюусу гана жетиштүү. Бул тууралуу чет элдик басылмалар жазып чыгышты.

Маалыматка караганда, сыра чыгарган жергиликтүү компаниялардын бири 10 жылдан бери ойлонуп келген планын ишке ашырганы турат. 26 бөлмөдөн турган мейманкананын ар бир бөлмөсүнө ашыкча түтүктөр киргизилет. Анын чоргосунан коноктор үчүн чектөөсүз сыра агып турары ойлонуштурулган.

"Бул үчүн компания 73 миң инвестордон 63 миллионго жакын евро топтогон. Ар бир акча салган инвесторго "мейманкананын кадырлуу коногу" макамы берилет", - деп жазылат маалыматта.

Автор: Бекболсун Молдояр уулу