Кытайда жираф эки бутактын ортосуна муунуп өлдү. Бул тууралуу чет элдик маалымат каражаттары жазып чыгышты.
Маалыматка ылайык, Кытайдын Куньмин шаарында жайгашкан зоопаркка келген эс алуучулар жаныбардын өлүмүнө күбө болушкан. Жираф бакка сүйкөнүп жатып моюну менен эки бутактын ортосуна кыпчылып калган. Зоопарктын кызматкерлери аны бошотууга аракет кылышканы менен кеч болуп калган. Кызматкерлер жирафты бутактардан бошотор замат ал жерге кулап түшкөн. Окуя болгон жерге келген ветеринарлар ага биринчи жардам көрсөтүп, куткарууга аракет кылышканына карабай жираф өлүп калган.
Белгилүү болгондой, жирафтын аты Хайронг болуп, ал 10 жашта болгон. Зоопаркта ал 5 жыл жашаган.