Депутат Аалы Карашев ЖЭБдеги түтүктүн жарылышы жөнүндө: "Текшерүү ишинде мынча суу акканын биринчи жолу көрүп жатам"

16-июнда Бишкек ЖЭБинин аймагында түтүк жарылган. "Улуттук энергетикалык холдинг" компаниясы ЖЭБде эч кандай авария болбогонун айтып, түтүктөрдүн жогорку басымга чыдамдуулугун текшерүү болду деп түшүндүргөн. SUPER.KG порталынын чын эле атайын текшерүү иштери болгонбу деген соболуна КСДП фракциясынан депутат Аалы Карашев жооп берди.

Карашев "Улуттук энергохолдингдин" маалыматына ишенбегенин белгиледи. "Текшерүү ишинде фонтан кылып суу агызгандын деле кереги жок. Мындайды биринчи жолу угуп жатам. Ишенбейм. Авария болду деп деле айта албайм", - деди Карашев.

Жогорку Кеңештин депутаттары Мыктыбек Абдылдаев, Сайдулла Нышанов, Аида Касымалиева, Бишкек шаардык кеңешинин депутаты, ЖЭБдин мурдагы башчысы Лев Васильев, эксперт Расул Умбеталиев жана жарандык активист Жеңиш Молдокматовдун пикири төмөнкү шилтемеде.