Бишкекте Атамбаевге каршы чыккан КСДПнын мүчөлөрүнүн съезди өтүүдө

Бүгүн, 3-апрелде "КСДП Атамбаевсиз" кыймылынын жетектөөчүсү Сагынбек Абдрахманов уюштурган КСДПнын съезди өтүп жатат. Учурда ага жарандар чогулуп, 200-300 адам келди. Жалпысынан 600 адамдын келиши пландалууда.

Буга чейин Иса Өмүркулов КСДП кезектеги съездин 3-апрелде өткөрүү чечимин кабыл алганын билдирген. Бирок ал жана башка парламенттеги КСДП фракциясынын депутаттарынын келгени байкалган жок. Учурда парламентте Кыргыз-Тажик чек арасы боюнча маселе каралууда. Анда КСДПнын депутаттарынын бардыгы катышып жатат.

Экс-президент Алмазбек Атамбаевдин төрагалыгындагы КСДПнын съезди 6-апрелде өтөт.

Автор: Жылдыз Джускембаева
Фото: Жылдыз Джускембаева