"Газпром нефть Азиянын" ыктыярчылары балдар тарткан сүрөттөргө "Эл достугу" аталышындагы сынак жарыялады

Бишкек шаарында "Өз шаарларыбыз" социалдык инвестициялар программасынын алкагында "Газпром нефть Азиянын" кызматкерлери тарабынан ыктыярчылардын "Эл достугу" аталышындагы долбоору старт алды.

Ыктыярчылар долбоорунун биринчи этабы - балдар арасындагы "Эл достугу" сүрөт конкурсу. Сынактын катышуучуларынын эмгектери атайын уюштурулган көргөзмөгө коюлуп, ал эми эң жакшы деп табылган сүрөттөр "Таберик" музыкалык театрынын түстүү граффитисинин катарына кошулмакчы.

Сынак "Таберик" музыкалык балдар театры менен биргеликте, үч жаш категориясы менен өтөт. 1-категория 6 жаштан 8 жашка чейинки балдар, 2-категория 9-12 жаштагы балдар жана 3-категория 13-15 жаштагы балдар арасында. Ар бир категориянын жеңүүчүлөрү баалуу белектерге ээ болушат.

Сынактын жыйынтыгы 20-июнда "Газпром нефть Азиянын" 8-кичи райондогу 28 А дарегинде жайгашкан кеңсесиндеги чакан майрамдык салтанатта жарыяланмакчы.

Балдар арасындагы сүрөт тартуу боюнча сынакка катышкан бардык катышуучулар кызыктыруучу сыйлыктарга ээ болушат.

Сынак тууралуу кенен маалыматтар жана жаңылыктар төмөнкү баракчалар аркылуу жарыяланып турмакчы:

"Газпром нефти Азиянын" Facebook жана Instagram социалдык тармактарындагы расмий баракчалары;
gazprom-neft.kg корпоративдик сайтында.

Сынактын шарттары:

Сүрөт тартуунун стили эркин. Акварель, түстүү карандаштар, бор менен тартып жана кездеменин бетине сайма сайып сүрөт түшүрсө да болот.
Сүрөттөр А4 же А3 форматындагы кагазга, кездемеге же боз кендирге түшүрүлүүсү шарт.
Сүрөттү тапшырууда аты-жөнү, сүрөттүн авторунун туулган жылы жана күнү, байланыш телефону, дареги жана email дареги толук жазылуусу керек.
Сүрөткө түшүндүрмө жазуунун кажети жок.
Бир же бир нече сүрөттү жөнөтүүгө болот.
Көргөзмөгө коюу үчүн сүрөттүн түп нускасы керек.

Балдардын эмгектери 2019-жылдын 15-июнуна чейин кабыл алынат, кабыл алуу даректери:

Бардык "Газпромнефть" май куюучу түйүндөрү;
"Газпром нефть Азия" компаниясынын 8-кичи райондогу 28 А дарегиндеги кеңсеси;
pr@gazprom-neft.kg электрондук дареги аркылуу.

"Биздин ыктыярчылар командасы балдар жана чоңдордун "Таберик" театрына болгон кызыкчылыгын ойготууну көздөйт. "Таберик" театрынын алдына граффити түзүп, балдарды театр жашоосуна активдүү катышууга тарталы деген оюбуз бар. Граффити жалаң балдар тарткан сүрөттөрдөн турмакчы. Балдар арасында сүрөт тартуу сынагы - мектеп жашындагы креативдүү жана активдүү балдардын чыгармачылык дараметин ачууга мыкты мүмкүнчүлүк болот", - деди "Эл достугу" ыктыярчылар долбоорунун жетекчиси Айзада Жумакадырова.