EliteHouse өлкөнүн түштүктөгү борборунда да сатуу бөлүмүн ачты

Батир же коммерциялык мүлккө ээ болуу - ар бир кыргызстандык үчүн маанилүү кадам. Эми Ош облусунун жана Ош шаарынын жашоочуларына да үйлөрдү курган компаниядан толук маалымат алууга, объекттеринин курулуш баскычтары менен таанышууга, заманбап турак жайдын курулуш стандарттары жана сапаты боюнча билүүгө мүмкүнчүлүк түзүлдү.

Ушул жылдын 20-сентябрында Ош шаарында EliteHouse курулуш компаниясынын сатуу бөлүмүнүн кеңсесинин ачылышы салтанаттуу түрдө өттү. Салтанаттуу иш-чара музыкалык программа менен коштолуп, фуршет уюштурулуп, катышуучуларга компания тарабынан белектер берилди.

Компаниянын аймактагы филиалдарынын координатору Арген Кубатбек уулу EliteHouse'тун Оштогу өкүлчүлүгүнүн ачылышы компания үчүн маанилүү иш болгонун белгиледи.

"Биздин кардарларга максималдуу түрдө жакшы шарттарды түзгөнгө аракеттенебиз жана заманбап, сапаттуу, курулуштун бардык нормаларына жана коопсуздуктун талаптарына жооп берген кыймылсыз мүлктөрдү сунуштайбыз", - деди ал.

Өлкөнүн түштүктөгү борборунда ачылган кеңсе EliteHouse'тун 5-кеңсеси болду. Салтанаттуу ачылыштын катышуучулары жана компаниянын өнөктөштөрү компаниянын Оштогу өкүлчүлүгүнүн ачылышы кардарлардын убактысын үнөмдөөгө шарт түзөрүн айтышты. Мындан тышкары, эми алар кеңсеге түз келип, кызматкерлер менен бетме-бет отуруп мүлк тууралуу кенен, толук маалыматтарды ала алышат.

Өз кезинде, жеткиликтүү берилген маалымат компаниянын кардарларына туура тандоо кылганга жана заманбап, сапаттуу мүлккө инвестиция кылышына чоң жардамын берет.

EliteHouse компаниясынын Ош шаарындагы кеңсеси Ленин көчөсү №271 дарегинде жайгашкан. Ал кардарларды иш күндөрү саат 9:00дөн 20:00гө чейин, дем алыш күндөрү саат 9:00дөн 18:00гө чейин кабыл алат.

Толук маалыматты компаниянын расмий сайтынан алууга болот.