ЖЭБди жаңылоодогу коррупцияга айыпталып жаткан Сатыбалдиев менен Авазовду 11 жылга камакка алуу сунушу айтылды

Бүгүн, 27-ноябрда Бишкек шаарындагы Свердлов райондук сотунда Бишкек ЖЭБин жаңылоодогу коррупция боюнча соттук отурум уланууда. Отурумдун түштөн кийинки бөлүгүндө мамлекеттик айыптоочулар судьяга ишке күнөөлөнүп жаткан тараптарга жаза чектөө боюнча сунуштарын окуп беришти.

Мамлекеттик айыптоочулардын сунушун прокурор Марат Кулжабаев окуду. Анда мурдагы өкмөт башчы, "коррупция" беренеси менен айыпталып жаткан Жантөрө Сатыбалдиевди 11 жылга эркинен ажыратуу жана мүлктөрүн конфискацияга алуу айтылды. "Электр станциялары" ишканасынын мурдагы башчысы Салайдин Авазовду да 11 жылга камакка алуу сунушу келтирилди.

Ушундай эле мөөнөттө ЖЭБди жаңылоо боюнча долбоорунун аткаруучу директору Темирлан Бримкулов, "Электр станциялары" ишканасынын дагы бир мурдагы директору Жолдошбек Назаров да камакка алынуусун сунуштады. Прокуратуранын позициясында алардын баарынын чиндери жана наамдары алынышы керек. Мындан тышкары, мамлекеттин пайдасына 5 миллиард 439 миллион 527 миң 482 сом төлөп берүүгө милдеттендирүүнү соттон сурашты.

Буга чейин иштин материалдарын иликтөө процесси жүргөн. Анын алкагында, иштин бардык 55 тому иликтенип бүткөн. Отурумдун башында судья Инара Гилятзединова мурдагы энергетика министри, бул иште айыпталып жаткан Осмонбек Артыкбаев өз каалоосу менен мамлекетке 100 миллион сом төлөгөнүн айткан.

Прокурор Сапар Исаковду 15 жылга камоону сунуштады. Жактоочунун жообу

Автор: Бактыгүл Султаналиева

17:20 27-11-2019

Жазылуу

Тектеш кабарлар:

Бишкек ЖЭБдеги кырсык. Сотто ЖЭБдин башкы инженеринин орун басары суралды

"Электр станциялары" ишканасынын башкы директору УКМК тарабынан кармалды

ЖЭБ соту: Отурумда TBEAнын өкүлү Мусажан Макалектин көрсөтмөсү окулду

ЖЭБдеги өндүрүштүк кырсык боюнча айыпталгандарга чыкчу чечим кечигүүдө

ЖЭБ соту. Сапар Исаков: "Качкыбыз келсе, мурда эле качып кетмекпиз"

ЖЭБ соту: Тараптарга жарыш сөз берилди

ЖЭБ соту: Айбек Калиев: "Мамлекеттик ЖМКлар аркылуу бизди каралоо токтой элек"

ЖЭБ соту: Мурдагы өкмөт башчы Жантөрө Сатыбалдиев: "Суракка Алмазбек Атамбаев менен Өмүрбек Текебаевдин чакыртылышын өтүнөм"

ЖЭБ соту: Жабырлануучу тарап болгон "Электр станциялары" жана Финансы министрлигинин өкүлдөрү суроолорго жооп бере албай, айыпталуучуларды нааразы кылышты

ЖЭБди модернизациялоо боюнча кийинки соттук отурум 11-ноябрга белгиленди

РУБРИКАДАГЫ СОҢКУ КАБАРЛАР

17:14 2024-12-27 | Коом жана турмуш

"Баатыр менен Ажыдаар" аңгемеси кыргызчаланды 128 0

17:02 2024-12-27 | Коом жана турмуш

Бишкектеги Кызыл-Аскер конушунда жаңы үй-бүлөлүк медицина борбору ачылды 113 0

16:45 2024-12-27 | Түркүн дүйнө

Азербайжан Чеченстандын жардамын алуудан баш тартты 741 0

16:39 2024-12-27 | Түркүн дүйнө

Кремль Азербайжандын айыптоосу боюнча үн катты 1094 0

16:36 2024-12-27 | Коом жана турмуш

Дин комиссиясында жыйынтыктоочу кеңешме болуп өттү 251 0

16:11 2024-12-27 | Коом жана турмуш

Ош шаарында 600 баланын катышуусунда мэрдин балаты майрамы болду (сүрөттөр) 244 0

Архив

Комментарийлер (5)

Bektur2011

2019-11-27 17:32:40

Сапар Исаковду 20 жылга кесип, Лондонго которгон 100 млн. долларын кустурса жакшы болот эле.

Alimbek1000

2019-11-27 17:37:19

11 жыл аз эмеспи? Булардын мал мулкун баарын мамлекетке кайтаргыла.

Jaznura

2019-11-27 17:41:21

С. Исаков ТЭЦти модернизациялоодо кытайлык ТВЕА компаниясынын кызыкчылыгын атайылап коргогонун эми тана албай калды. 2010-жылдын башында эле Бишкек ТЭЦин 200 млн АКШ долларына модернизациялап беребиз деп сунушташкан ТВЕАны 2013-жылы 386 млн долларга сүйлөшкөн С. Исаковго «медаль» тагалыбы же өмүр бою эркинен ажыратыш керекпи?
Ушунан карай турган болсок айыптоочулардын доо туура эле болот. Мамлекеттик казынага андан сырт жеке кызыкчылыгын көздөгөн болсо бул туура чечим болмок.

chake

2019-11-27 19:03:51

уурулардын үй мүлкүн дагы мамлекетке өткөрүш керек

chake

2019-11-27 19:05:33

Сапардын москвада курган Мурас деген клиникасы бар ошону да мамлекетке өткөрүп ошол жактагы мекендештерди бекер караган мед центр кылыш керек

Комментарий калтыруу үчүн өз ысымыңыз менен кириңиз же каттоодон өтүңүз.