"Акнет" компаниясынын президенти: "Кубан Ажимудиновго тийиштүү акчасы бөлүнүп берилген"

Бүгүн, 13-февралда Жогорку Кеңештин депутаты Рыскелди Момбеков "Акнет" компаниясынын мурдагы президенти, учурда камакта жаткан Кубан Ажимудиновдун эсебин ачып, 910 миллион сом акчаны компаниядагылар бөлүп кетишкенин айтып, президентке кайрылды. "Азыркы күндө Ажимудинов камакта жатат. Ага операция жасоо керектигин дарыгерлер айткан, бирок ага уруксат берилген эмес. Бул деген аны сындыруубу?", - деген ал.

Ал эми "Акнет" компаниясы бүгүн, 13-февралда маалымат жыйын өткөрүп, учурдагы президент Нурбек Абасканов Кубан Ажимудиновго 2019-жылы 150 миллион сом которулса, андан кийин 30 миллион сомду иниси Нурлан Ажимудинов ишеним кат менен алып кеткенин айтты.

"Акнет" компаниясы иштеп келген 20 жылдан бери 3 негиздөөчүгө бир дагы дивиденд бөлүнгөн эмес. Бирок 2019-жылы 3 негиздөөчүгө өздөрүнүн дивиденди бөлүнгөн. Кубан Ажимудиновго акча которулгандыгы почта аркылуу да кабарланып жөнөтүлгөн. Ал эми депутат Момбековдун тараткан маалыматы чындыкка дал келбейт.

Биздин компания өз ишмердүүлүгүн улантып жатат. Азыр штатыбыз 650 адамга көбөйдү. Салыктарды эки эсе көп төлөп баштадык. Соцфондго төлөнчү акчанын эсеби 59 миллион сомдон ашты. Ал эми айлык акы өз убагында берилип, компания стабилдүү иштеп жатат", - деди Абасканов.

Ал эми аткаруучу директор Азат Базаркулов Кубан Ажимудиновго бөлүнгөн акчаны иниси Нурлан Ажимудинов алып кеткени видеого тартылып алынганын айтып, тасманы жалпы журналисттерге көрсөттү.

"Президенттик аппарат деле чындыкка коошпогон маалыматты карап чыгат деген ойдомун. Себеби депутаттын айткандарындай эмес да. Биз баарын түшүндүрүп берип жатабыз", - деди ал.

Автор: Айсалкын Качкынбекова
Фото: Айсалкын Качкынбекова

18:00 14-02-2020

Жазылуу

РУБРИКАДАГЫ СОҢКУ КАБАРЛАР

13:38 2025-06-14 | Түркүн дүйнө

Британияда миллиардер оюн учурунда аары жутуп алып, каза болду 345 0

12:53 2025-06-14 | Коом жана турмуш

Гимндин жаңы редакциясы боюнча республикалык сынак жарыяланды 226 0

12:28 2025-06-14 | Түркүн дүйнө

Израил кайрадан Иранга чабуул жасады (видео) 1104 0

11:51 2025-06-14 | Кылмыштар, кырсыктар

Бишкекте өспүрүм кыз каза болду. Шектүү катары 14 жаштагы эжеси кармалды 1841 0

11:24 2025-06-14 | Коом жана турмуш

"Айылда, шаарда да мүмкүнчүлүктөр бар". Гарвардды аяктаган кыргыз кызы Севара менен маек 1854 0

11:07 2025-06-14 | Коом жана турмуш

Астанада кыргыз-казак саясий консультациялары болуп өттү 193 0

Архив

Комментарийлер (4)

Kattaldym

2020-02-13 18:12:48

Дивиденти эмес, дивиденди.

zhaku2017

2020-02-14 10:18:14

Акнетти тартып алышкан. Ошол учун биз жарыбайбыз. Соттор бир адамдын кызыкчылыгына коз каранды. Бироонун менчигин, мулкун куч менен тартып алмай бизде оной эле. Ошол учун бизде эч ким чон иш кана ачышпайт.

+10

Kyrgyz_bloger

2020-02-14 14:09:46

Ушул ишкана беле рейдейлик захват кылып бийликтегилер алып койгон.

Kairat1996

2020-02-14 14:14:20

Ачыгын айтканда, бизде жеке иш каналарды тартып алмай кадыр эсе корунуш. Акнетти бийлик озуно менчиктеп алган. Азыр чон иш кана ачкандан коркушат.

Комментарий калтыруу үчүн өз ысымыңыз менен кириңиз же каттоодон өтүңүз.