Бишкек шаардык прокуратурасы "Республика" партиясынын мүчөлөрүнө карата кылмыш ишин козгоду

Бишкек шаардык прокуратура "Республика" партиясынын мүчөлөрүнө карата кылмыш ишин козгоду. Аталган органдан билдиришкендей, интернетке таркап кеткен "карусель" тууралуу видеонун негизинде кылмыш ишин козгоо чечимин чыгарышкан. Ошондой эле интернет желелерине "Республика" партиясынын жаштар канатынын лидери Наргиза Ажибаева адамдарга акча таратып жаткандыгы тууралуу видео чыкты. "Республика" партиясынын штабынан маалымдашкандай, учурда Наргиза Ажибаева кайсы жерде экенин таппай жатышат. Кошумчалай кетсек, кылмыш иши Кылмыш кодексинин 140-беренесинин 2-пункту (бирөө үчүн добуш берүү) жана 141-берененин 1-пункту (добуш берүү документтерин фальсификациялоо) боюнча козголду. Учурда бул ишти Бишкек шаардык ИИБи териштирип жатат.