Академик Кубанычбек Жумалиевди Орусиянын окумуштуулары колдошту

Орусиянын жана Кыргыз мамлекетинин окумуштуулары Кыргыз өлкөсүндөгү социалдык тармактарында кесиптеши Кубанычбек Жумалиевге каршы жалаа жабууларга кыжырданып жатышканын билдиришүүдө. Буга байланыштуу коомчулукка К.А. Валиев атындагы Физикалык-техникалык институттун директору, РИАнын мүчө-корреспонденти В.Ф. Лукичев, П.П. Ширшов атындагы Океанология институтунун башкы директорунун орун басары, РИАнын мүчө-корреспонденти П.О. Завьялов, А.Ф. Иоффе атындагы Физикалык-техникалык институтунун башкы илимий кызматкери, профессор Б.С. Гуревич, Ж. Баласагын атындагы КУУга караштуу атмосферага мониторинг жүргүзүү илимий борборунун директору кайрылуу жасашып, анда Жумалиевдин ата мекендик гана эмес, дүйнөлүк илимге кошкон салымын эске салышты.

Тактап айтканда, Жумалиев иштеп чыккан илимий негиздер РФнын космос тармагында активдүү пайдаланылып жатканы белгиленди. РИАнын космостук изилдөөлөр Институнун линиясы боюнча окумуштуулар менен кызматташууда Жумалиев космостук мейкиндик, ракеталарды учуруу маселелери, анын ичинде - Улуу Жибек жолуна кирген өлкөлөрдүн бирдиктүү спутниктик системин түзүүгө багытталган "Silksat" спутниктик байланыш долбоору менен алектенген. "Silksat" толугу менен Кавказ жана Борбор Азия өлкөлөрүнүн коммуникациялык муктаждыктарын камсыз кылууга жана глобалдуу маалымат системинин бир бөлүгү болууга багытталган.

"Социалдык тармактарда жана маалымат каражаттарында коррупция менен күрөшүү боюнча жаралган ызы-чуу, тилекке каршы, бурмалоолорду жана ашыра чабууларды айланып өтө алган жок жана академик Жумалиевдин да ысмын камтый кетти", - деп айтылат кайрылууда.

Кубанычбек Жумалиев 1978-жылы СССРдеги эң мыкты техникалык жогорку окуу жайлардын бири – Рязань радиотехникалык институтун кызыл диплому менен аяктаган;

1986-жылы Беларусь ССРнин Илимдер Академиясынын Электроника институнда кандидаттык диссертациясын, 1991-жылы РИАнын академиги, "Нобель" сыйлыгынын лауреаты Жорес Алферовдун жетекчилиги астында докторлук диссертациясын жактаган.

Жумалиевдин 2005-жылдан 2015-жылга чейинки ишкерлик багытында жараткан ийгиликтери илимий – билим берүүчү институттарды колдоо жана өнүктүрүү үчүн зарыл болгон материалдык базисти түзүүгө мүмкүнчүлүк берди. Анын жетекчилиги астында Кыргыз өлкөсүндө жети билим берүү мекемеси негизделип түзүлгөн. Ошондой эле окумуштуунун демилгеси менен Кыргыз мамлекетинин курамына беш институт кирген Кыргыз Республикасынын ИАНнын түштүк бөлүмү ачылган.

Буга байланыштуу академик Жумалиевди жакшы билген көптөгөн адамдар социалдык тармактардагы кулачын жайган кампанияга байланышкан кырдаалга түшүнбөй чын дилинен бушайман болуп турушат. Өкүнүчтүүсү, Кыргыз мамлекетинин азыркы жаштары анын таржымалын да, илимдеги жана эмгектеги жетишкендиктери туурасында да жакшы биле беришпейт. Биз, окумуштуулар, мына ушул кемчиликти толтурууга умтулуп, Кыргыз өлкөсү Кубанычбек Жумалиев менен сыймыктанса арзыйт деп ишенимдүү айта алабыз.

Жумалиевдин илимий жетишкендиктери мурдагы Советтер Союзунун окумуштууларынын жеңиштеринин тизмесинде татыктуу орунду ээлеп турат. Анын салымы баа жеткис, анын иштеп чыгуулары дүйнөлүк коомчулук тарабынан таанылган, Кубанычбек Мырзабекович бир кезде үстүндө иштеген көп нерселер бүгүнкү күнгө чейин актуалдуулугун жогото элек жана Орусияда пайдаланылууда.

Жыйынтыктап жатып, академик Жумалиевге мындан ары да илимдеги, саясаттагы, өнөр жайды кайрадан жандандыруудагы жана өзү туулган Кыргыз мамлекетинин жаңы экономикасын өнүктүрүүдөгү үзүрлүү ишмердүүлүгүн уланта берүүсүн каалар элек.