Шайлоо-2020: БШКга кайсы партиялар документтерин тапшырды (тизме)

Борбордук шайлоо комиссиясына 17 партия каттоого документтерин беришкен, БШК алардын 16сын кабыл алды. Бул тууралуу БШКнын төрайымынын орун басары Абдыжапар Бекматов билдирди.

Борбордук шайлоо комиссиясына төмөнкү партиялар каттоого документтерин беришкен:

1. “Актив”;

2. “Афганистан согушунун жана ушул сыяктуу кагышууларга катышкан ардагерлердин жана катышуучулардын саясий партиясы”;

3. “Мекен Ынтымагы”;

4. “Ата-Мекен” социалисттик партиясы;

5. “Мекенчил”;

6. “Бир Бол” мамлекеттик биримдик жана мекенчил партиясы“;

7. “Ыйман Нуру”;

8. “Замандаш”;

9. “Чоң Казат”;

10. “Реформа”;

11. “Республика”;

12. “Бүтүн Кыргызстан”;

13. “Социал-демократтар”;

14. “Биримдик” (“Единство”) демократиялык партиясы;

15. “Мекеним Кыргызстан”;

16. “Ордо”;

Абдыжапаровдун билдирүүсүнө ылайык, партиялар документтердин тизмегин толугу менен жеткире албай калса же туура эмес болуп калса, аны оңдоп берүү үчүн дагы 10 календардык күн берилет.

Эгерде партиялар 10 календардык күндүн ичинде тизмедеги кайсы бир талапкерге тиешелүү документтерин толуктабаса же мүчүлүштүктөрүн оңдобосо, БШК партия тизмесинен ошол талапкерди каттоодон баш тартат. Анын ордуна квота боюнча айымдын талапкерлиги алынса айым, эркек кишинин ордуна эркек талапкер коюлушу керек;
Эгер партиялардын талап кылынган үч документ (съезддин чечими, талапкерлер жөнүндө маалыматтар, шайлоо күрөөсүн төккөндүгүн ырастоочу документ) 3-сентябрга чейин тапшырылбаса, анда БШК ошол партиянын жалпы тизмесин каттоодон баш тартышы мүмкүн.

Талапкерлердин тизмесин каттоо үчүн документтерди тапшыруу 2020-жылдын 24-августунда соңуна чыкты. Ал эми 3-сентябрда добуш берүү бюллетенине кирүүчү талапкерлердин тизмеси такталат. Жогорку Кеңешке депутаттарды шайлоо 4-октябрга белгиленген.

Автор: Бактыгүл Султаналиева