"Дастанбек Жумабеков көз жарган аялга 50 миң сом сүйүнчү берди". БШК аны жарыштан четтетүүнү карайт

Шайлоого аттанып жаткан "Кыргызстан" партиясы кайрадан талкууга жем таштады. Социалдык тармактарда партиядан депутаттыкка талапкер Дастанбек Жумабековдун жаңы көз жарган аялга 50 миң сом сүйүнчү пул берди деген маалымат тарады.

Теле алып баруучу Айзада Жамгырчиева Жогорку Кеңештин төрагасынын Таласка болгон иш сапарында Дастан деген ысым коюлган ымыркайдын энесине 50 миң сом бергендиги тууралуу билдирүү жарыялаган.

Көп өтпөй БШКнын жумушчу тобунун мүчөсү Атыр Абдрахматова дагы бул тууралуу пикирин билдирди.

"Жогорку Кеңештин төрагасы Дастан Жумабеков жаш энеге 50 миң сом сүйүнчү бергени тууралуу, анын төрагалык макамы менен пайдаланып жарнама кылуусу боюнча БШКнын мүчөлөрүнө, Жумабековдун же "Кыргызстан" саясий партиясынын жоопкерчилигин карап, каттоосун жокко чыгаруу боюнча сунушумду жөнөттүм. Бирок менин сунушум өткөн жок. Маселе күн тартибине киргизилген жок", - деген Абдрахматова.

SUPER.KG порталы бул боюнча БШКга Дастан Жумабековдун маселеси жыйында каралабы жана качан деген суроо менен кайрылды.

"Бүгүнкү, 15-сентябрга белгиленген күн тартибине бул маселе киргизилген эмес. Бул маселе алгач жумушчу топтун жыйналышында, андан соң БШКнын жыйынында каралат. Ал эми жумушчу тобунун жыйналышы эртең БШКнын жыйынынан кийин болот", - дешти мекеменин маалымат кызматынан.

Автор: Бактыгүл Султаналиева

17:23 15-09-2020

Жазылуу

РУБРИКАДАГЫ СОҢКУ КАБАРЛАР

13:28 2024-05-18 | Коом жана турмуш

Бишкектеги окуя: Кыргызстан Пакистандан маалымат каражаттарына түшүндүрүү жүргүзүүнү суранды 363 0

13:00 2024-05-18 | Коом жана турмуш

Пакистандын элчилиги Бишкектеги окуяга реакция жасады 1056 0

12:27 2024-05-18 | Коом жана турмуш

Түндөгү Бишкектеги окуя: Тышкы иштер министрлиги билдирүү жасады 775 0

11:25 2024-05-18 | Коом жана турмуш

Алымкадыр Бейшеналиев жаагы сынган пакистандык жаранга барды 1651 0

10:39 2024-05-18 | Кылмыштар, кырсыктар

Бишкектеги түндөгү окуя: ИИМ эртең мененкиге карата билдирүү жасады 1628 0

10:18 2024-05-18 | Кылмыштар, кырсыктар

Бишкек ШИИББдин башчысы кармалган чет элдик студенттер эмне болорун айтты 1746 0

Архив

Комментарийлер (2)

Kuban-1207

2020-09-15 17:28:04

Жеген акчалары

Saiit

2020-09-15 20:22:14

Бул малдарга 50000 недеген акча покек 2 кундук эс алуу кундору прадуктасы озу 50000! Булар килограм 5000 сомдук Австралядан мурамырный эт жейт килограмы 5000 турган кабыргаларды жейт! Элдин кампасынан урдап ашап ура берет! мяниямия фумфорт деп койуп

Комментарий калтыруу үчүн өз ысымыңыз менен кириңиз же каттоодон өтүңүз.