"Сын-пикирлерден кийин талапкерлигимди алып салдым". Айтмамат Назаров талапкерлигинен баш тартканы боюнча билдирүү жасады

"Кыргызстан" партиясынан шайлоого аттанып жаткан Аймамат Назаров талапкерлигинен баш тартуу боюнча арыз жазды. Айтамат Назаров эмнеге мындай чечим кабыл алганы боюнча социалдык тармактагы баракчасына жарыялады.

"Шайлоодон талапкерлигимди алып салууну чечтим. Буга чейин электр энергиясы жок айылдардын бирине электр жарыгын берүү аземине катышуу боюнча мага айтылган сын-пикирлерден кийин ушундай чечим кабыл алдым. Менин Жазы-Кечүү айылына электр энергиясын берүү аземине катышуумду саясий үгүт катары көрсөтүүгө аракет кылып жатышат. Ошол себептен мен үчүн элге кызмат кылуу - депутаттык мандаттан да баалуу экендигин көрсөтүү үчүн шайлоо жарышынан өз талапкерлигимди алып салдым.

Ишеним мен үчүн чоң мааниге ээ жана бул үчүн биз бардыгыбыз мыйзамдын талаптарын аткарууга үйрөнүшүбүз керек", - деп жазылат Назаровдун билдирүүсүндө.

Автор: Жылдыз Джускембаева