"Шайлоого өзүңөр калем ала келгиле" деген видео боюнча БШКнын жообу

Социалдык тармактарда белгисиз кишинин калем менен баракка жазылган сөздү тамеки күйгүзгүч менен өчүрүп койгон видеосу тараганы маалымдалган. Видеонун астына "Шайлоо күнү өз калем сабыңар менен келгиле" деген билдирүү жазылган.

Маалыматты тактоо үчүн БШКнын жумушчу тобунун мүчөсү Гүлнара Журабаевага кайрылдык.

"Добуш бюллетендери салынуучу урналар автоматтык болгондуктан андай кылуу такыр мүмкүн эмес. Урнага салынган бюллетендер автоматтык түрдө башкы серверге келип түшөт жана ал жакта сакталат. Ошол шайлоого катышып жаткан бардык байкоочулар өздөрүнүн телефондору аркылуу ал сервердеги маалымат менен тааныша алышат. Кийин добуш берүү соңуна чыкканда урнадагы бюллетендер кол менен саналат. Ошол маалда ар бир партиянын өкүлдөрү, байкоочулар добуштардын санын ага чейин автоматтык түрдө эсептелген сайттагы маалыматтар менен салыштырса болот.

Мындан тышкары баса белгилеп кетүүчү нерсе, шайлоо мыйзамдарында шайлоочунун укугу "добуш берүүнүн сыры" деген берене менен корголгон. Жарандын добуш берген бюллетенин эч ким көрө албайт. Эгер шайлоо күнү бюллетендерди көрсөткөн фактылар же шайлоо участокторунда жарандарга акча таратып жаткандар байкалса, ошол шайлоо участкасынын натыйжасы жараксыз деп таанылып, эсептелбейт. "Добуш берүүнүн сыры" деген берене ар бир жарандын эркин добуш берүүсүнө көмөкчү болот", - дейт Журабаева.

ЭЛДИК ВИДЕО: "Шайлоого өз ручкаңар менен келгиле". Эркек кишинин баракка жазылган сөздү тамеки күйгүзгүч менен өчүрүп койгондогу видеосу тарады

Автор: Бактыгүл Султаналиева

17:43 24-09-2020

Жазылуу

РУБРИКАДАГЫ СОҢКУ КАБАРЛАР

15:34 2024-05-18 | Коом жана турмуш

"Айыптайбыз". Министрлер кабинети Бишкектеги окуя боюнча билдирүү жасады 321 0

14:17 2024-05-18 | Спорт

"Орта Санчес, Гераи...". Амантур Исмаиловдун Олимпиададагы атаандаштары кимдер? (тизме) 216 0

13:28 2024-05-18 | Коом жана турмуш

Бишкектеги окуя: Кыргызстан Пакистандан маалымат каражаттарына түшүндүрүү жүргүзүүнү суранды 1168 0

13:00 2024-05-18 | Коом жана турмуш

Пакистандын элчилиги Бишкектеги окуяга реакция жасады 2158 0

12:27 2024-05-18 | Коом жана турмуш

Түндөгү Бишкектеги окуя: Тышкы иштер министрлиги билдирүү жасады 1165 0

11:25 2024-05-18 | Коом жана турмуш

Алымкадыр Бейшеналиев жаагы сынган пакистандык жаранга барды 2212 0

Архив

Комментарийлер (6)

Tolkun555

2020-09-24 23:08:48

Закондогудай,китепте жазылгандай,пайгамбарыбыз айткандай жашасак сонун эле болмок.Бул жакка жазып коюп,пары жакта башка иш кылып баарын бузуп жатпайбызбы.Кыргыз компютерди да уйротуп алат.

Shorobashat

2020-09-25 10:40:31

Китептегидей сүйлөп коё берет да булар

jemile

2020-09-25 13:41:24

Калем сап жөнүндө үн катпайтко, ошондо туурабы?
Мен ручка алып барам...неси болсода

Margana93

2020-09-25 15:33:27

Шайлоо жакшы өтсүн

futboler

2020-09-25 16:10:03

Төө десе бээ деп жооп бериптир го.

jemile

2020-09-25 20:29:01

Ээ өл ээй, тилиңе жара чыккыр...сөгүнбөй эле сүйлөбөйсүңбү? Укпай эле ата энеме көргөзүп алыпмын

Комментарий калтыруу үчүн өз ысымыңыз менен кириңиз же каттоодон өтүңүз.