"Аралык сакталбай жатат". Ала-Арча конушунун тургуну Жумагүл Нурмалиева кезек күткөндөрдүн катарында

Ала-Арча конушунун тургуну Жумагүл Нурмалиева учурда кезек күтүп тургандардын бири. Ал SUPER.KG порталына буларды айтып берди.

"Биз эртең менен келгенбиз, кезек күтүп турабыз. Бул жерде №1033 жана №1034 эки шайлоо участкасы бар. Эки участкага келген шайлоочулар кезеги менен кире албай, баш аламандыктар болуп жатат. Тартип сакчылары өз милдетин аткарып жатышат, бирок шайлоочулар ортосунда аралык сакталбай жаткандыктан нааразычылыктар жаралып жатат. Ошону иретке келтиргенге тартип сакчылары эки тилкенин шайлоочуларын катарга тургузуп, ирети менен киргизе албай жатышат", - дейт шайлоочу.

Автор: Гүлдана Мамадали кызы