БШКнын төрагасынын орун басары: "Орусияда биринчи жолу шайлоочулар активдүүлүгүн көрсөтүп жатышат"

Москва шаарында жашаган Кыргыз жарандары быйылкы шайлоодо өзгөчө активдүүлүгүн көрсөтүп жатышат. Бул тууралуу бүгүн, 4-октябрда Борбордук шайлоо комиссиясынын төрагасынын орун басары Акылбек Эшимов SUPER.KG порталына билдирди.

БШКнын мүчөсү Москва шаарындагы шайлоо тилкелеринде жалпы 9 миң 30 шайлоочу катталганын айтты.

"Москва шаарында үч шайлоо участкасы иштеп жатат. Ал жерлердр 50гө жакын ыктыярчы иштеп жатат. Мындан тышкары Русгвардия дагы жардам берүүдө. Бул жакта шайлоочулар өздөрүнүн активдүүлүгүн көрсөтүп жатышат. Орусияда биринчи жолу десем адашпасам керек.

Буга чейин, 2017-жылы президенттик шайлоодо катталган 6 миң 700 шайлоочу бар болсо, 1 миң 252 гана шайлоочу шайлоого келишкен. 2015-жылкы Жогорку Кеңешке депутаттарды шайлоодо жалпы шайлоочулардын саны 4 миң 338 болсо, анын ичинен 517 жаран гана добуш берүүгө келген. Ал эми бүгүнкү шайлоодо үч шайлоо тилкесинде 3 миңден ашык жаран шайлоого келишти.

Кечке чейин дагы келишет болуш керек. Бүгүнкү шайлоодо бир аз мүчүлүштүктөр болуп жатат. Алсак, форма-2 боюнча арыз даттануулар болуп жатат. Бул боюнча биз, жумушчу топ арыздарды кабыл алып жатабыз. Бирок арыздар аз санда гана. Москва шаарында шайлоочулардын саны көп болуп жардам катары БШКнын 2 өкүлү, ТИМдин 3 өкүлү, Мамлекеттик каттоо кызматынын 3 өкүлү мобилдик топ катары келгенбиз", - деди Акылбек Эшимов.

Буга чейин Москва шаарында жашаган Айнагүл Сатыбалдиева аттуу мекендешибиз Москва шаарындагы шайлоо тилкелеринде кезек күткөндөрдүн саны көп болгондуктан, адамдар 2 саат күтүп добуш берип кетип жаткандарын айтып берген.

Автор: Бактыгүл Султаналиева
Фото: Айжанар Рыспек кызы

21:12 04-10-2020

Жазылуу

РУБРИКАДАГЫ СОҢКУ КАБАРЛАР

17:52 2024-05-18 | Коом жана турмуш

Бишкекте көп балалуу энелерди акимдер куттукташты 32 0

16:17 2024-05-18 | Түркүн дүйнө

Ооганстанда каза болгон чет элдик туристтер: Евробиримдик кол салууну айыптады 624 0

15:34 2024-05-18 | Коом жана турмуш

"Айыптайбыз". Министрлер кабинети Бишкектеги окуя боюнча билдирүү жасады 1376 0

14:17 2024-05-18 | Спорт

"Орта Санчес, Гераи...". Амантур Исмаиловдун Олимпиададагы атаандаштары кимдер? (тизме) 407 0

13:28 2024-05-18 | Коом жана турмуш

Бишкектеги окуя: Кыргызстан Пакистандан маалымат каражаттарына түшүндүрүү жүргүзүүнү суранды 1624 0

13:00 2024-05-18 | Коом жана турмуш

Пакистандын элчилиги Бишкектеги окуяга реакция жасады 2848 0

Архив

Комментарийлер (2)

AdylbekB84

2020-10-04 22:11:18

Анткени мигранттар аң сезимибиз жетилип түшүнүп бүттүк, чет мамлекетте жүрүү, жашоо, иштөө кокого жетти! Кыргызстандагы кээ бир маңкурттар сатылды! Келечегибиз эмне болот, эртең булар чачкан акчасын, Кыргызстанды сатып топтоп алышатта эми!

almanbetperm

2020-10-05 01:19:21

Окмот чет олкодо шайлоо участокторун ачканы кызыктар эмес, билетда кимди кобуроок шайлап койушту, анан бир эле Москва шаарында эмес баардык эле шаарда шайлоо участоктору болгондо корот элем, биримдигинда, мекенимин да отмок эмес

Комментарий калтыруу үчүн өз ысымыңыз менен кириңиз же каттоодон өтүңүз.