№1317 шайлоо участогунда добуш берүү үчүн кезек күткөндөр жок

Бүгүн, 10-январь өлкөдө кезексиз президенттик шайлоо жана референдум өтүүдө. Ага ылайык, Бишкектеги №1317 шайлоо участогунда саат 09:30га карата узун кезек күткөндөр жок.

Жубайы менен келген 32 жаштагы Бекзат аттуу жаран өз милдетибизди аткаруу үчүн келдик деп буларга токтолду: "Өткөндө парламенттик шайлоодо узун кезек болуп, 3 жолу келип, акыры төртүнчүсүндө добушумду берип кеткем. Азыр түз эле кирдик, мен дебаттан кийин бардык талапкерден көңүлүм калды. Ошон үчүн атайын келип, арасынан бир нормалдуусун тандадым. Тааныштарымдын көбү эле "барбайбыз, биздин добуш эмнени чечет?" деп келбей коюшту", - деди ал.

Белгилей кетсек, кезексиз президенттик шайлоого 17 талапкер ат салышууда.