Бүгүн, 10-январда өлкөдө президентти мөөнөтүнө мурда шайлоо жана өлкөнү башкаруу формасын тандоо референдуму өтүп жатат. Президенттик кызматка талапкерлердин бири Садыр Жапаров Чоң-Арык айылындагы №1053 шайлоо тилкесинде добуш берүүгө катышты. Талапкер добуш берүүгө жубайы менен келди. Добуш берүүдөн кийин ал журналисттердин бир катар суроолоруна жооп берди.