Биринчи айым болууга бир кадам... Садыр Жапаровдун жубайы Айгүл Асанбаева тууралуу кызыктуу фактылар

Кечээ, 10-январда мөөнөтүнөн мурда президенттик шайлоо өттү. Шайлоонун алдын ала жыйынтыгы боюнча алдыда талапкер Садыр Жапаров келе жатат. SUPER.KG порталы Садыр Жапаров шайлоодон утуп чыкса, биринчи айым боло турган Айгүл Асанбаева тууралуу кызыктуу фактыларды топтоду. Маалыматтар ачык булактардан жана Айгүл Асанбаеванын Садыр Жапаров эркиндикке чыга электе берген маектеринен алынды.

1. Айгүл Асанбаева учурда 47 жашта. Ысык-Көл облусунун Түп районунда туулган. Беш баланын энеси. Алар: Дастан, Рустам, Ринат, Нурдөөлөт, кызы Жанайым.

2. Тун уулу Дастан 27 жашында, 2019-жылдын август айында жол кырсыгына кабылып каза болгон.

3. 2020-жылдын сентябрь айында алып баруучу Назира Айтбековага берген маегинде: "Биз түндүк-түштүк деп эч качан бөлүнбөшүбүз керек. Алакандай жерибизди куш деп элестетсек, түндүк анын бир канаты, түштүк бир канаты. Куш бир канаты жок болсо уча албай калат", - деп айткан.

4. Садыр Жапаровго карата саясий куугунтук башталганда жолдошу менен үч жыл чет өлкөдө жашаган. Үй- бүлөсү менен Польша, Орусия, Кипр мамлекеттеринде жүргөнүн айткан.

5. Садыр Жапаров камалгандан кийин "Мекенчил" партиясына мүчө болгон.

6. 1992-жылы февраль айында келин болуп барган.

7. Алты келиндин экинчиси.

8. Садыр Жапаров Айгүл Асанбаева менен 1990-жылы таанышкан. Анда Айгүл Асанбаева 18 жашта, Садыр Жапаров 23 жашта болгон. Классташ кыздары менен жаратылышка эс алууга чыкканда достор аркылуу таанышышкан.

9. 20 жаштагы баласы Рустам камалып калганда ортомчулар аркылуу Раиса Атамбаевага кайрылган. Бирок ал жыйынтык берген эмес.

10. 2019-жылы уулу Рустам үйлөнгөн. Садыр Жапаров менен Айгүл Асанбаева 2019-жылы Саара аттуу неберелүү болушкан.

11. Медициналык училищени аяктагандан кийин Ишеналы Арабаев атындагы университетке тапшырган. Ал жактан жогорку педагогикалык билимге ээ болуп чыккан.

11:39 11-01-2021

Автор: Бактыгүл Султаналиева

Жазылуу

РУБРИКАДАГЫ СОҢКУ КАБАРЛАР

11:27 2024-04-25 | Кылмыштар, кырсыктар

Казак блогеринин Бишкекте кармалышы: Милиция билдирүү жасады 330 0

11:25 2024-04-25 | Кылмыштар, кырсыктар

4 айлык наристенин өлүмү боюнча дагы бир кылмыш иши ачылды 174 0

11:17 2024-04-25 | Коом жана турмуш

Токтогул суу сактагычындагы суунун көлөмү 272 0

11:15 2024-04-25 | Кылмыштар, кырсыктар

УКМК Чолпон-Атадагы "Жетиген" базарынын директорун кармады 197 0

11:15 2024-04-25 | Түркүн дүйнө

Кореялык белгилүү ютубер Инчхон шаарында мечит куруп баштады 298 0

11:08 2024-04-25 | Коом жана турмуш

Республика аймагы боюнча 2 өрт кырсыгы катталды 79 0

Архив

Комментарийлер (2)

mirlanpiter

2021-01-11 17:29:40

Айгул женебиз Садыр акебизди ар дайым жакшы колдоп турса дем күч берип,кыйын иштер да жеңил бүтүп кетет...мен өз турмушума салыштырмалуу айтып жатам..

Goodyer

2021-01-12 04:25:04

Аял жакшы Эр жакшы деп коебу? Аялы дагы акылдуу аялдай корунот

Комментарий калтыруу үчүн өз ысымыңыз менен кириңиз же каттоодон өтүңүз.