Баткен. Кызыл-Кыя шаарында "Өз кан басымыңды билип ал" аттуу акция башталды

Инсульт, инфаркт сыяктуу дарттардын алдын алуу максатында Кызыл-Кыя шаарында 3-декабрдан 8-декабрга чейин “Өз кан басымыңды билип ал” аттуу акция өткөрүлүүдө. Шаардын ичинде калк көп жайгашкан жерлерге 12 текшерүүчү пункт ачылды. Алар 18 жаштан жогорку тургундардын кан басымын текшерип, кан басымы жогоруларды каттоого алып, акысыз дарылап жатышат. Бул иш-чара тууралуу Кызыл-Кыя шаарындагы саламаттыкты сактоо уюмдарынын координатору, Кызыл-Кыя шаардык үй-бүлөлүк дарыгерлер борборунун жетекчиси Шерали Абдибаитов маалымдады.