"Мен ойлойм, кылмыш иши сөзсүз жокко чыгат". Курсан Асанов абактан бошотулушу боюнча пикирин билдирди

Ички иштер министринин мурдагы орун басары Курсан Асанов бүгүн, 3-февралда абактан бошотулду. Сот залынан чыккандан кийин Курсан Асанов тарапташтарына ыраазычылык айтып, пикирин билдирди.

"Мени азыркы бийлик өкүлдөрүнө жаман көрсөтүү максатында кайсы бир күчтөр Алмаз Сарыбаев менен сүйлөштү деген жалган көрсөтмөнү чыгарышкан. Ошондон улам 5 айда бир да жолу суралган жокмун. Сарыбаев дагы суралган жок. Мени колдогон жалпы тарапташтарыма, мурдагы кесиптештериме, активисттерге, медиа өкүлдөрүнө ыраазычылык билдирем.

Мен бир да жолу бийликке каршы чыккан эмесмин. Бул актануу үчүн эмес. Жергебизде тынчтыктын, туруктуулуктун болушу мен үчүн чоң жетишкендик. Мен жөнөкөй жаран катары да кызмат кылуудан тайбайм. Принциптеримден кайтпайм, көз карашым бар. Мен ойлойм, бул кылмыш иши сөзсүз жокко чыгат. Эгер акталып чыксам ушунча убакыт камакта отурганым үчүн соттошпойм. Мен бул жөнүндө ойлогон да жокмун. Бири-бирибизге таарынычыбызды токтотуп, өлкөнү өнүктүрүшүбүз керек, экономиканы көтөрүп, бири-бирибизди жамандаганды токтотушубуз керек. Менин эч кимге доом жок", - дейт Асанов.

Белгилей кетсек, Курсан Асановго карата 3 кылмыш иши козголгон. Биринчиси, Кой-Таш окуясы боюнча, экинчиси Октябрь окуясы боюнча, үчүнчүсү болсо Курсан Асанов менен Алмаз Сарыбаев бийликти басып алуу жөнүндө сүйлөштү делген аудио боюнча.

2-февралда Асановдун баш коргоо чарасы Бишкек шаардык сотунда каралып, Октябрь окуясы боюнча бошотулган. Бирок башка иш боюнча абакта кармоо чечими болгондуктан бошотулган эмес.

18:50 03-02-2022

Автор: Бактыгүл Момбекова

Жазылуу

РУБРИКАДАГЫ СОҢКУ КАБАРЛАР

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 54 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 55 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 259 0

18:52 2024-04-19 | Бизнес-Инфо

Биринчи жолу Кыргызстанда: MBANK ID бирдиктүү идентификациялоо 146 0

18:50 2024-04-19 | СОТТУК ИШТЕР

Мурдагы депутат Камчыбек Жолдошбаев эч жакка чыкпоо тил каты менен камактан бошотулду 301 0

18:40 2024-04-19 | Кылмыштар, кырсыктар

Издөөдө жүргөн кыргыз жараны Москвадан кармалды 442 0

Архив

Комментарийлер (7)

zhaynak

2022-02-03 19:26:31

Тажик Кыргызстанда бийликте журуп, майлуу суттуу жашаганы мени окундурот. Эркекче.

Taalai-bek

2022-02-03 19:53:55

zhaynak,Мен тушунгон жокмун.Ошондо К.Асанов тажикпи?

Ela93

2022-02-03 20:00:40

Taalai-bek,оа, канында бар

Ela93

2022-02-03 20:02:17

Ela93, ошентип укканмын. Жалган болсо керек! Кыргыз эле бул киши

-2

Azat-123

2022-02-03 20:32:36

Ela93,таза тажик, Ошто Правда деген айыл жыш эле тажик, ошол жерден болот, ишенбесең любойунан сура

Taalai-bek

2022-02-03 19:56:11

Наборот кыргыз-тажик чек арасын чечуудо пайдасы тиет деп чыгарып жатышкан жокпу?
Негизи Асаонв ушундай конфликтерди чечкенге уста киши эле.бирок кылмышы барбы жокпу билбейм.бир озуно анан бир кудайга маалым

Azat-123

2022-02-03 20:34:10

Taalai-bek,ооба, Атамбаев убагында Банкенге көп барып жүргөн, бирок эшектин тезегин дагы чечкен эмес, кайра чек-арадагы Баткендиктерди зекип келген эски видеосу бар ютупта

Комментарий калтыруу үчүн өз ысымыңыз менен кириңиз же каттоодон өтүңүз.