ЭЛДИК КАБАР: Бишкектин тургуну таштандылар чар-жайыт ташталып жатканына нааразы болду

Порталыбыздын "ЭЛДИК КАБАР" бөлүмүнө Бишкек шаарынын тургуну кайрылды.

Окурман шаардагы Калык Акиев жана Фрунзе көчөлөрүнүн кесилишинде таштанды чар-жайыт ташталып жатканын айтып, тийиштүү кызматтардан чара көрүп берүүнү өтүндү.

"Калык Акиев жана Фрунзе көчөлөрүнүн кесилишинде таштанды таштоочу челектер бар болчу. Аны алып салып, таштанды чар-жайыт ташталып жатат. Кечке маал таштанды көбөйүп, жагымсыз жыт чыгат. Мэрия, "Тазалык" ишканасы, акимчилик чара көрүп берсеңиздер", - деп нааразы болду тургун.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.