Кыргыз спортчулары Өзбекстанда өткөн таэквондо боюнча эл аралык мелдеште 7 медаль жеңип алышты

Өзбекстанда өткөн таэквондонун ITF түрү боюнча Өзбекстандын ачык кубогунда кыргыз спортчулары 7 медаль жеңип алышты. Бул тууралуу спорттун аталган түрү боюнча КРнын Федерациясынан билдиришти. Белгилүү болгондой, мелдеш Ташкент шаарында өтүп, ага Казакстан, Кыргызстан, Өзбекстандан болуп жалпысынан 400дөй спортчу катышты. Жыйынтыгында кыргыз балбандары 4 күмүш, 3 коло медаль тагынып кайтышты. Атай кетсек, кыргыздын намысын аталган мелдеште Актан Толкун уулу, Дадахон Сабиров, Барчынай Өзгөнбаева, Арсен Ыса уулу, Равшан Собиров, Рахматилла Нурматов жана Хилола Толиповалар коргоп келишти.

Автор: Автандил Добулбеков