Иранда 22 жаштагы кыздын өлүмүнөн кийин нааразычылык акциялары үч күндөн бери уланууда

Ирандын тургундары туура эмес хиджаб кийгени үчүн полиция тарабынан кармалган Махса Амининин өлүмүнөн кийин үчүнчү күн катары менен өлкө боюнча көчөгө чыгууда. Бул тууралуу чет элдик басылмалар жазышты.

Маалыматка ылайык, 22 жаштагы ирандык Махса Амининин каза болгондон кийин Тегеранда укук коргоо органдарынын кызматкерлеринин аракетине каршы нааразычылык акциялары күч алууда. Митингге чыккандар полиция кызматкерлери кызды катуу сабаганын айтышууда.

Интернетте ирандык атактуулар маркум Аминиге тилектештигин билдирип, чачтарын кыркып чыккан сүрөттөр жана видеолор көбөйүүдө.

Ирандын Күрт аймагында коопсуздук күчтөрү демонстранттарга ок атып, жыйынтыгында 5 адам каза болгондугу айтылды.

Өз кезегинде Ирандын полициясы Амининин өлүмүнө эч кандай тиешеси жок экенин, кыздын полиция бөлүмүндө күтүүсүздөн эсин жоготуп жыгылганын жана физикалык зордук-зомбулукка кабылбаганын көрсөткөн видеокөзөмөл камераларынын кадрларын жарыялаган.

15:49 20-09-2022

Автор: Азат Бейшенбеков

Жазылуу

РУБРИКАДАГЫ СОҢКУ КАБАРЛАР

22:03 2024-04-24 | Саясат

Баку шаарында Чыңгыз Айтматовдун эстелигинин ачылыш аземи болду 557 0

21:52 2024-04-24 | Коом жана турмуш

Бишкекте терроризмдин алдын алуу боюнча эл аралык конференция өттү 248 0

21:31 2024-04-24 | Коом жана турмуш

Бишкекте 20 жаштагы кыз дайынсыз болууда 1067 0

20:59 2024-04-24 | Кылмыштар, кырсыктар

Бишкекте ишкерди уурдап, 140 миң доллар талап кылган кылмыштуу топтун мүчөлөрү кармалды 1104 0

19:35 2024-04-24 | Кылмыштар, кырсыктар

Кадамжайда аткезчилик жол менен алынып келе жаткан жаңгак аныкталды 772 0

18:56 2024-04-24 | Саясат

Садыр Жапаров Азербайжандын президенти менен болгон сүйлөшүүлөр боюнча билдирүү жасады 1159 0

Архив

Комментарийлер (2)

maria87

2022-09-20 16:31:00

Эч кимге жамандыгы жок кыздарды ислам олколорундо динди шылтоо кылып басмырлап, жашоосун тозоко айлантып жатышат. Кыздар кол тийгистик иммунитетке ээ. Эркектер ойлоп тапкан ислам диний шарият аялдардын жашоосу үчүн тозок. Адеп, ыйман, дин деген түшүнүктү ар кимиси өзүнө ыйңгайлуу кылып чечмелей беришип, акыры кыздардын эркин жашоосу, кулчулка айланып жатат.

aidai_suluukyz

2022-09-20 16:56:00

Ислам динин эркектер ойлоп тапкан эмес, ал Аллахым жиберген дин. Аны туура эмес тушунгондордун айынан ушундай нерселер болуп жатат. Динди туура тушунгондор бул дуйнодо да, акыретте да бактылуу

Комментарий калтыруу үчүн өз ысымыңыз менен кириңиз же каттоодон өтүңүз.