Мурда "Мир" карталарын кабыл алган өлкөлөрдүн кредиттик уюмдары орусиялык төлөм системасы менен иштешүүнү токтотту. Бул тууралуу чет элдик басылмалар жазып чыгышты.
Маалыматка ылайык, "Мир" төлөм системасынын карталары Вьетнам BIDV'де кабыл алынбайт. Банк кызматкеринин айтымында, BIDV VISA, Mastercard, Western Union, JCB, UnionPay карталарын тейлөөнү улантууда, бирок "Мир" төлөм системасы бул тизмеде жок.
Орусиянын Борбордук банкы чет элдик өнөктөштөр "Мир" карталарын кабыл алуу инфраструктурасын ачууну өздөрү чечет деп жооп берди.
20-сентябрда "Мир" төлөм системасынын сайтында мурда карталарды кабыл алуу географиясы тууралуу маалымат берилген бөлүм жабылган.