Садыр Жапаровдун АКШга болгон иш сапары аяктады

Президент Садыр Жапаровдун АКШнын Нью-Йорк шаарына болгон иш сапары аяктады. Бул тууралуу президенттин маалымат кызматы билдирди.

Маалымдалгандай, мамлекет башчысы 193 өлкөнүн мамлекет, өкмөт башчылары жана делегациялары катышкан БУУнун Башкы Ассамблеясынын 77-сессиясынын жалпы дебатына катышып, сөз сүйлөдү.

Президент өз сөзүндө БУУнун бийик трибунасынан өлкөнүн түштүк чек араларында түзүлүп жаткан актуалдуу кырдаалга дүйнө коомчулугунун көңүлүн буруп, кыргыз-тажик мамлекеттик чек арасындагы себепсиз агрессияга байланыштуу акыркы окуяларды эске алды.

Ушул эле күнү мамлекет башчысы БУУнун Катчылыгынын имаратында БУУнун башкы катчысы Антониу Гутерриш менен жолугушуп, уюм менен кызматташуунун артыкчылыктуу багыттарын талкуулады.

Ошондой эле БУУнун Башкы ассамблеясынын 77-сессиясынын алкагында президент чет мамлекеттердин жана эл аралык уюмдардын жетекчилери менен бир катар жогорку деңгээлдеги жолугушууларды өткөрдү.

Алсак, Швейцариянын президенти Иньяцио Кассис, Түркиянын президенти Режеп Тайып Эрдоган, Катардын эмири Тамим бин Хамад Аль Тани, БУУнун Билим, илим жана маданият уюмунун (ЮНЕСКО) башкы директору Одри Азуле, БУУнун өнүктүрүү программасынын администратору Аким Штайнер жана БУУнун Азык-түлүк жана айыл чарба уюмунун башкы директору Цюй Дунъюй менен жолугушуулар болду.

Бүгүн, 21-сентябрда Президент Садыр Жапаров иш сапарын аяктап, Бишкек шаарына кайтып келди.

Архив
Комментарийлер (2)
aidai_suluukyz
2022-09-22 14:17:00
Азамат! Эми жамандай бербей, иштегенине мумкунчулук берип колдоп туралы!
0
Майрамбек
2022-09-22 23:01:00
Барып келгени жакшы болду бирок результаты эмне болду, Кыргызстанга кандай пайда болду ошону жазгылачы. Барды анан кирди чыкты дей бербей.
0
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА