Белгилүү манасчы Рысбай Исаков учурда Түркиянын Бурса шаарында манас айтууда.
Ал манасты президенттин колдоосу менен IV Дүйнөлүк көчмөндөр оюндарынын алкагында Бурса шаарында ТҮРКСОЙ эл аралык уюмунун уюштуруусунда өтүп жаткан "Баарын коюп Манасты айт" аттуу манас жумалыгынын алкагында айтып жатат.
Рысбай Исаковдун Бурса шаарында манас айтканы учурда кызуу талкууга алынууда.
Манасчы Дөөлөт Сыдыков Рысбай Исаков манас айтууну одоно түрдө бузуп жатканын белгиледи.
"Манас ушинтип айтылып калды беле? Гиннесстин эрежелери так аткарылбай эле, суу ичип, тамак жеп, темадан чыгып, башка сөздөр айтылып одоно көрүнүүдө", - деп жазды Дөөлөт Сыдыков.