Ошто 13 жана 11 жаштагы балдарын өлтүрүүгө аракет кылган эне кармалды

Ош шаарында өз энеси ири көлөмдөгү дары берип өлтүрүүгө аракет кылган эки жашы жете элек баланы милиция кызматкерлери куткарып калышты. Бул тууралуу Ош шаардык ички иштер башкармалыгынан билдиришти.

Билдирүүгө ылайык, 1982-жылы туулган тургун өзүнүн 2009 жана 2011-жылдары туулган балдарына ири көлөмдөгү димедрол дарысын берип, өлтүрүүгө аракет жасап жаткандыгы тууралуу маалымат түшкөн. Окуя болгон жерге милиция кызматкерлери барып дароо "Тез жардам" чакырган. "Тез жардам" кызматы жеткенге чейин милиция кызматкерлери жаш балдарга суюктук беришип, ичин ири көлөмдөгү дарыдан тазалоого аракет жасап турушкан.

Окуя бүгүн, 27-сентябрда саат 16:30 чамасында болгон. Апасынын берген көрсөтмөсүнө ылайык, ал балдарын өлтүрүп, андан соӊ өзүн-өзү өлтүрүүгө аракет жасай тургандыгын, балдарына чычканга каршы пайдалануучу дарыны жана димедрол дарысын бергендигин айткан.

Учурда шектүүнүн үстүнөн ыкчам-тергөө тобу иштеп жатат. Аялдын бул кадамга баруу себептери, диний-экстремисттик топтор менен байланышы жана психикалык абалы дагы текшерилүүдө.

Алгачкы маалыматтарга караганда, балдардын апасы 1982-жылы туулган, күйөөсү менен быйыл ажырашып кеткен. Учурда жабыр тарткан балдардын абалдары жакшы. Алардын мындан кийинки жашай турган жайын социалдык жактан коргоо тармактары карашууда.

19:11 27-09-2022

Автор: Азат Бейшенбеков

Жазылуу

РУБРИКАДАГЫ СОҢКУ КАБАРЛАР

19:33 2024-04-25 | Саясат

Жапаров менен Алиев Физули жана Агдам шаарларын өнүктүрүүнүн башкы планы менен таанышты 98 0

18:41 2024-04-25 | Саясат

Ысык-Көл округунан шайланган депутат Максатбек Сарбагышев мандатын тапшырды 554 0

18:24 2024-04-25 | Саясат

Бир катар аким жана орун басарлары кызматтан алына турганы маалым болду 639 0

18:00 2024-04-25 | Кылмыштар, кырсыктар

Жабырлануучу 3 унаасын алмашып ийген. Бишкекте алдамчылыкка шектүү кармалды 484 0

17:33 2024-04-25 | Маданият, шоу-бизнес

Ошто 3 миң окуучунун катышуусунда "Манас" айтылды 356 0

17:23 2024-04-25 | Коом жана турмуш

Өлкөнүн бир канча жерлеринде жол оңдоо жумуштары кызуу жүрүүдө 262 0

Архив

Комментарийлер (2)

Patriotka

2022-09-27 19:55:00

Оор турмуштун айынан ...

bayern-munchen

2022-09-27 21:32:00

Patriotka оор турмуш дейсизби негизи турмушка шылтоологон менимче наадандык анткени 1994-1995 жылдары оор кундор откон ошондо биз бала элек нанга очеред 1 нанды уй було чогу Бир кунго жеткирип жугору унунан Нан жечуубуз. Дуйнолук экинчи согушту коргон Бир абышка менен суйлошкомун Бир чоптун тамырынан ун жасап Нан кылып жечуубуз дейт ачаарчылыктан адамдар олчуу дейт азырчы ачкадан бироо олобу? Которгонубуз хотябы Бир койдун акчасындагы телефон бар алды Бир машина акчасында телефон которушот

Комментарий калтыруу үчүн өз ысымыңыз менен кириңиз же каттоодон өтүңүз.