Бишкек шаарындагы Каба уулу Кожомкул атындагы Спорт ордосунда Баткен облусунан эвакуацияланып келген жарандар үйлөрүнө жөнөтүү иш-чарасы жүрүүдө.
"Жарандарды үйлөрүнө кайтаруу үчүн Бишкек мэриясынан унаалар бөлүндү. Ал эми ӨКМ тарабынан күйүүчү май менен камсыздалды. Жалпысынан 30 кичи автобус менен 600дөй жаран жөнөтүлдү. Андан тышкары 6 кичи автобус жолго чыгууга даярдалууда. Биринчи кезекте кары-картаңдарды, жаш балдарды, кош бойлууларды жөнөтүп жатабыз", - деди ӨКМнын өкүлү.
Ошондой эле ал эвакуацияланган жарандар Баткен жана Лейлек райондоруна бара турганын кошумчалады.