Журналист Болот Темиров эки берене менен акталды. Бул тууралуу Свердлов райондук сотунан маалымдашты.
Маалыматта айтылгандай, бүгүн, 28-сентябрда Свердлов райондук соту журналист Болот Темировдун иши боюнча чечим чыгарды.
"Судья Акылбек Адимов Кылмыш-жаза кодексинин 283-беренеси (баңгизат каражаттарын, психотроптук заттарды жана алардын аналогдорун мыйзамсыз жасоо) жана 378-берене (мамлекеттик чек араны мыйзамсыз кесип өтүү) боюнча актады. Ал эми 379-берене (документтерди жасалмалоо) боюнча күнөөлүү деп таап, кылмыштын мөөнөтү өтүп кеткендигине байланыштуу жазага тартылбайт", - деп айтылат маалыматта.