Бишкекте 26 жаштагы Нурлан Жолдош уулу дайынсыз болуп изделип жатат. Ал Ак-Ордо конушундагы үйүнөн 2022-жылдын 26-ноябрында чыгып кеткен боюнча кайтып барган эмес.
Ленин РИИБи берген маалыматка караганда, 23-январда милицияга апасы А.Г. арыз менен кайрылып, Нурланды табууга жардам сураган. Аталган факты каттоого алынган.
Өзгөчө белгилери: бою 170-175 сантиметр, көзү кара, арык чырай дене түзүлүштө, психикалык оору менен жабыркайт.
Кийген кийимдери: улуттук оймо-чиймелери бар көк түстөгү жеңи жок күрмө, кара түстөгү спорттук шым.
Милиция сүрөттөгү жаранды көргөн-билгендер болсо, 102ге же көрсөтүлгөн телефондорго кабарлап коюуну өтүнөт: 0(312) 352-605, 0(553) 102-465, 0(703) 401-600, 0(705)450-553, 0(553)102-880.