Ош шаарынын казысы болуп Мирланбек Токтомушов дайындалды

Ош шаарынын казысы болуп Мирланбек Токтомушов дайындалды. Бул тууралуу Муфтияттан маалымдашты.

Билдирүүгө ылайык, тиешелүү чечимге муфтий Замир Ракиев кол койгон.

"Токтомушовду шаардын дин кызматкерлерине кечээ, 28-январда муфтийдин орун басары Абибилла Кадырбердиев тааныштырды", - деп жазылат маалыматта.

Өмүр баяны:

Мирланбек Токтомушов 1980-жылы Ош облусунун Кара-Кулжа районундагы Ылай-Талаа айылында туулган.

1997-1999 жылдары Бишкек шаарындагы “Хазирети Умар” ислам институтунан билим алган.
1999-2003 жылдары Сирия араб мамлекети “Айнь аль-Араб” ислам институтунда билимин жогорулаткан.
2010-2014 жылдары Ош “Абдужапар” ислам институтунда окуган.
2010-2017 жылдары Ош мамлекеттик юридикалык институтунун укук таануу адистигин бүтүргөн.
2011-жылдан бери “Шейит-Дөбө” мечитинин баш имам-хатиби.
2014-2019 жылдары Ош шаарындагы Ак-Буура батыш хатибиятынын баш имам-хатиби.
2019-2022-жылдары Ош шаарынын мусулмандар казысынын орун басары.
2022-жылдын октябрь айынан баштап, Ош шаарынын мусулмандар казысынын милдетин аткаруучу болуп эмгектенип келген.