Нарын шаарынын мэрине жана шаардык салык кызматынын башчысына 10 миң сом өлчөмүндө айып пул салынды. Бул тууралуу бүгүн, 17-мартта Башкы прокуратурадан маалымдашты.
Маалыматка ылайык, алар Салык кодексинин контролдук-кассалык машиналарды колдонуу боюнча түшүндүрүү иштерин жетишээрлик деңгээлде жүргүзүшпөгөндүгү үчүн жоопкерчиликке тартылды.
"Алар Укук бузуулар жөнүндө” Кодексинин 435-беренеси (“Кызмат адамдарынын ченемдик укуктук актыларынын талаптарын бузуусу”) боюнча жоопкерчиликке тартылып, 10 миң сомдон айып салынды" деп айтылат маалыматта.