Нарын шаарындагы көп кабаттуу үйлөрдүн батирлеринин биринен 63 жаштагы жарандын жансыз денеси табылды. Бул тууралуу өзгөчө кырдаалдар министрлигинен билдиришти.
Билдирүүгө ылайык, куткаруучулар Нарын шаарындагы Ленин көчөсүндө жайгашкан №104 көп кабаттуу үйдүн 54-батиринин бекилип калган эшигин ачышып, батирдин бөлмөсүнөн 1960-жылы туулган С.К. аттуу эркек кишинин жансыз денесин табышкан.
Маркумдун жансыз денесин ИИМ кызматкерлерине өткөрүп беришкен. Эшик ачууга 4 куткаруучу тартылган.