Баткакта футбол ойногон айылдык балдар: Жапаровдун кеңешчиси аталган айылга барды (видео)

Буга чейин ЭЛДИК КАБАР бөлүмүнө Токтогул районуна караштуу Кызыл-Өзгөрүш айыл өкмөтүнүн Ак-Жар (ред.: расмий эмес аталышы Чоңко) айылында баткакта футбол ойноп жаткан балдардын видеосу жарыяланган. Анда элет эли спорт зал курууга аракет кылып келгени менен андан майнап чыкпай келери айтылган.

"Мектеп окуучулары кышы-жайы күндүн ысык-суугуна карабай сыртта дене тарбия сабагын өтүшөт" деген тургун.

Окурман аталган айылга министрлер кабинетинин төрагасы Акылбек Жапаровдун кеңешчиси Урмат Токтожумаев барып, тургундар жана баткакта топ ойногон балдар менен жолугушканын кабарлады.

Айтымында, ал президент Садыр Жапаровго жана билим берүү жана илим министри Каныбек Иманалиевге элдин атынан жазылган кайрылуу катты жеткирип берүүгө убада берип, катты алып кеткен.