Селекциядагы жол тосуу: Дагы эки катышуучу Бишкектеги СИЗО-1ге киргизилди

Чүй облусунун Селекция айылындагы митингдин дагы эки катышуучусу Бакыт Балбаев менен Бактыбек Бекболотов Бишкектеги СИЗО-1ге киргизилди. Мындай чечимди Чүй облустук соту чыгарды.

Сот жол тосууга шектелип кармалган эки жаранды тең 15-сентябрга чейин абакта калтырды.

Эске салсак, 15-июлда Сокулук районунда блогер Эртай Искаков жана эки тургун жолдорду мыйзамсыз тосууну уюштурган жана бейбаштык кылган деген шек менен кармалган.

Кечээ, 17-июлда блогер, Жогорку Кеңештин депутаттыгына талапкер Эртай Искаковго карата баш коргоо чарасы катары Бишкектеги СИЗО-1ге эки айга камакка алынды.

Автор: Азат Бейшенбеков