Белград: Дагы бир Олимпиада чемпиону аны кумир туткан 20 жаштагы балбанга жеңилип калды

Бүгүн, 18-сентябрда Сербиянын борбору Белград шаарында өтүп жаткан күрөш боюнча Дүйнө чемпиондугунун үчүнчү күндүк беттештери өтүүдө.

Анда 97 килограмм салмакта жарым финалда Бахрейндин атынан чыккан дагестандык Ахмед Тажудинов Олимпиада чемпиону Абдулрашид Садулаев менен кез келди. Бул беттеште Ахмед Тажудинов Олимпиада чемпионуна эч кандай мүмкүнчүлүк бербей, 9:2 эсебинде жеңип алды.

Муну менен Тажудинов Дүйнө чемпиондугунун финалына чыкты. Финалда ал азербайжандык Магомедхан Магомедов менен кез келет.

Белгилей кетсек, 20 жаштагы Ахмед Тажудинов Абдулрашид Садулаевди кумир тутуп, Махачкаладагы Ахмед Садулаев атындагы спорт мектебин бүтүргөн.

Автор: Азат Бейшенбеков