Күрөш федерациясынын вице-президенти Ахрор Иминов камактан бошотулду

Грек-рим күрөшү боюнча федарациясынын вице-президенти Ахрор Иминов тергөө аяктаганча өлкөдөн чыгып кетпөө тил каты менен камактан бошотулду. Бул тууралуу Биринчи Май райондук соту билдирди.

Маалыматка караганда, Бишкек шаарынын Биринчи Май райондук соту Иминовдун баш коргоо чарасын карап, ушул жылдын 4-декабрына чейин өлкөдөн чыкпоо тил каты менен бошоткон.

Эске салсак, Иминов УКМК тарабынан Камчы Асанбектин (Көлбаев) уюшкан кылмыштуу тобун каржылаган деген шек менен кармалган болчу.

Автор: Кылымбек Бейшеев