Бишкекте актёр Азиз Мурадилаевди эскерүү кечеси өтөт

17-декабрда Кыргыз улуттук драма театрында Кыргыз Республикасынын эмгек сиңирген артисти Азиз Мурадилаевди эскерүү кечеси өтөт. Бул тууралуу бүгүн, 13-декабрда аталган театрдан билдиришти.

Эске салсак, Азиз Мурадилаев былтыр 17-декабрда 44 жаш курагында оорудан улам көз жумган.

Ал 1978-жылы Фрунзе шаарында туулган. Мектепти аяктагандан кийин Кыргыз улуттук драма театрынын алдындагы театралдык окуу жайга тапшырган. Кийин 1997-жылы Москвадагы Щепкин атындагы жогорку театралдык окуу жайга тапшырып, аны 2001-жылы аяктаган.

Өмүрүнүн соңуна чейин Токтоболот Абдумомунов атындагы Кыргыз Улуттук академиялык драма театрында эмгектенип келген.