Ноокен районунда уурулук кылууга шектелип 39 жаштагы жаран кармалды. Бул тууралуу бүгүн, 10-февралда Жалал-Абад облустук милициясынан билдирди.
Маалыматка ылайык, Ноокен РИИБине 66 жаштагы тургун арыз менен кайрылып, былтыр 28-декабрда Кочкор-Ата шаарындагы үйүнө белгисиз жаран кирип, 22 миң сомдук буюмдарын уурдап кеткенин билдирген.
Бул окуя боюнча Кылмыш-жаза кодексинин 205-беренеси (Уурдоо) менен кылмыш иши козголгон.
Ыкчам-иликтөө иштеринин натыйжасында шектүү катары Ноокен районунун Масы айыл аймагынын тургуну 1985-жылы туулган М.М. кармалып, 2 айга тергөө абагына киргизилген.
Учурда тергөө амалдары уланууда.