Украиналык борбордук коргоочулар Михаил Калугин менен Андрей Мищенко Кыргызстандын жарандыгын алышты. Бул тууралуу эл аралык журналист Александр Троицкий “Азия-Спорт” телеграмм каналында билдирди.32 жаштагы Андрей Мищенко бишкектик "Дордой" клубунда ойногон. Ошондой эле ал Өзбекстан, Тажикстан, Казакстан жана Израилдин командаларында дагы ойногон.
Ал эми 29 жаштагы Калугин канттык "Абдыш-Ата" клубунда ойноп, быйыл Жалал-Абаддын "Мурас Юнайтед" клубуна өттү.
Эл аралык журналист эки футболчу тең Кыргыз улуттук курамасында ойноп калышы мүмкүн экенин жазды.
