Кечээ, 28-мартта болгон катуу шамалдан улам Ташкенттин кээ бир райондорунда электр жана газ берүү үзгүлтүккө учураган. Бул тууралуу жергиликтүү басылмалар жазып чыгышты.
Маалыматка караганда, Ташкент облусунун 3 районунун жашоочулары жана чакан өнөр жай ишканалары электр жарыгысыз калган. Ал эми Ташкенттин Чиланзор районунда болгон шамалдан улам газ түтүгүнө чоң дарак кулап, көп кабаттуу үйлөргө газ берүү өчүрүлгөн.
Ошондой эле шаардагы катуу шамалдын кесепетинен кулаган дарактар унааларды басып калган учурлар дагы катталган.