Көз жоосун алган сулуулук. Баткенде Айгүл гүлү гүл ачты (сүрөт)

Баткендин символу болгон дүйнөдө сейрек кездешүүчү гүлдөрдүн катарына кирген Айгүл гүлү гүл ачты. Бул тууралуу порталыбыздын ЭЛДИК КАБАР бөлүмүнө жергиликтүү тургун кабарлап, гүлдүн сүрөттөрүн жөнөттү.

Гүлдүн илимий аты - эдуард чаар гүлү, жыл мезгилинин апрель айында 10-15 күнгө гана гүл ачып турат. Бийиктиги 30 сантиметрден 2 метрге чейин жетет.

Кошумчалай кетсек, бул өсүмдүк Кыргыз өлкөсүнөн башка Ооганстан тоо кыркаларында өсөт. Айгүл гүлүнүн таржымалы тууралуу шилтеме аркылуу кирип окуй аласыз.

Автор: Айжанар Рыспек кызы
Фото: Алыбек Баялиев